مامقتنع
وحتى من أگلك مقتنع
لاتقتنع
بهسه
وگبل
وكلما أركز
لوأطول صفنتي
بعيوني شو نفسه الوضع
يمكن فرق بس الحزب
وتبدل بمية حزب
لكنها
كلها
بلانفع
والكهرباء التنگطع
شوچنها هسه تحسنت
وصار الگطع ماينگطع
وفيروز نامت للظهر
وظلينه ساعات الصبح
بس للقنابل نستمع
بيش أقتنع
عل شمع يسهر چان أبوسفيان
وكت الجاهليه
وهسه نسهر عل شمع
وچنه بدمع
نتلگه عيد الله اليجي
وعيد الله ظل يلفي بدمع
وچان الفقير ثيابه مرگوعه
وسمل
وهسه الرگع فوك الرگع
ياصاحبي
تعذرني أبد
ماأقتنع
..............
هاشم العربي
كربلاء
تعليقات
إرسال تعليق
اترك تعليقا يدل على انطباعك ورأيك بالموضوع