إيه يا ليام!
(زجل مغربي)
تحمات عليا ليام بهمومها
وانا دراعي اليوم طاحو
اش المعمول بحيرتي
يا امي لحنينة واش ندير
البارح كانت الصحة بطواعي
وكنت مازال طايش كنطير
واليوم بعد ما خانتني ومشات
هاني مساير وعايش الضيم
كون ليام ترجع شويا اللور
نحكي ليها ما كنقاسي اليوم
بعدما مضات ومشات
ومشى عليا حتى ذاك لعشير
إيه يا مسكين يا مضيوم
البارح كنتي كتصول وتجول
واليوم ملي بانو الغشايم
انت لي وليتي بينهم غشيم
كون الخوخ يداوي يا السامع
كون داوى ودار الخير فراسو
يا فاهم لكلام يا الغادي فالدنيا
رد البال يا لي ديما قاسح راسو
لا التيق فراسك بزاف
دازو من بحالك عباد كثير
من بعد ما وصلو الناس
عاد طاح عليك وعليهم الضيم
كنعاود حكايتي هاذي لراسي
ولذاك المسكين المضيوم
لي بعياقتو ونباهتو لكثيرة
ليومة عايش بين الناس التنكيل
-بقلم: محمد دومو
-مراكش/المغرب
(ترجمة النص)
إيه يا أيتها الأيام!
تراكمت علي هموم الايام
عندما طاحت أيادي
ماذا افعل في حيرتي
يا امي الحنونة وماذا افعل
كانت الصحة البارحة تطاوعني
وكنت حينها طائشا
واليوم بعدما خانتني وذهبت
ها انا أساير الايام مضيوما
لو الايام رجعت الى الوراء
سأحكي لها ما أقاسيه اليوم
بعدا مضت وذهبت
وذهب معها حتى ذاك الحبيب
إيه يا مسكين يا مضيوم
البارح كنت تصول وتجول
واليوم عندما ظهروا الأغبياء
انت الذي أصبحت غبي
تلو الخوخ كان يداوي
لأعان نفسه بالخير(مثل شعبي)
يا فاهم الكلام يا سالك الطريق
انتبه جيدا يا ذاك المتعصب
ولا تتق في نفسك كثيرا
لقد مر مثلك في الدنيا اناس كثر
من بعدما افلحوا الناس
تراهم يتأسفون ومضيومون
احكي قصتي هذه لنفسي
وذلك المسكين المضيوم
الذي بنباهته المفرطة
اليوم يعيش بين الناس التنكيل
تعليقات
إرسال تعليق
اترك تعليقا يدل على انطباعك ورأيك بالموضوع