دهشة
كلمات الشاعر
إبراهيم أبوزيق. السودان
يا ساكنة بين قلبي ونبضو
يا واقفة بين شعري وحسو
يا ملاذ عشقي البعزو
يا عواطف ومشاعر ما بندسو
أديني من صوتي البحسو
شدوا أغنيه و احسو
خبيني محل حواسك البحسو
وارميني وسط الزحام
او في عمق الكلام
بين المداد و الحروف
لما شاعر بيوزن في نصو
خلي الإندهاش يملأ البراح
والتوقع والاحتمال يندهشو
شايلك جوة عيني معزة
واقفة بين سواد عيني ورمشو
ولما اشوفك
يسوقوني عليك
عيوني و يمشو
وكل تفاصيل الريد
من لهفة لقياك يرتعشو
ينفضح شهد التلاقي
وتسالم وحشتي سلاف القمر
والنجوم سهرانة و ولهانة
بيك
من شبابيك السماء
يشيرو ليك يمسو
والشدو الطروب
لما تصدحي يدوب ولهان
وترانيم النغم الغافية تصحو
يهيج إحساس إحساسي وهمسو
والصلات الواقفة بيني بينك
عليك يهشو وينشو
مستنيه يغشاني
طيف البريدو
ومن انسام السحر
أداريه و ادسو
متابعة / ورضة الأدباء العرب
تعليقات
إرسال تعليق
اترك تعليقا يدل على انطباعك ورأيك بالموضوع