البادية ( العروبية )
العروبية هي عينيا
حليب ؤ زبدة ؤ مروزية
ريحة الكوري عزيزة عليا
لحمام لبقر لغنم ؤ قنية
العروبية هي الاصل
كون ماهي ماناكلو البصل
العروبي سخي ولد الأصل
مراتو شادا فيدو باغاه يوصل
العروبية شانها مساس
تآمروا عليها جميع الناس
تبعوا الموضة بلا قياس
نساو المحراش ؤ الفقاس
الطمع عمى للتجار العينين
شفروا الفلاح ؤعينو مفتحين
دخلوه بالقرض محيحين
داروه عبد عليهم باليقين
------
النقيب إدريس الخياطي
 العروبية هي عينيا حليب ؤ زبدة ؤ مروزية ريحة الكوري عزيزة عليا لحمام لبقر لغنم ؤ قنية العروبية …){kind=link}
تعليقات
إرسال تعليق
اترك تعليقا يدل على انطباعك ورأيك بالموضوع