ما عادش ينفع
قصيدة باللهجة المصرية
كنت فاكرة إن المشاعر
هي.. هي
زي ما بدأت.. زي ما تنتهي
كنت فاكرة ان كل الحكاية
حبة مشاعر
بس الحقيقةكنت دايما بكابر
لقيت نفسي في امتحان
و أتشطر بدون ما اذاكر
دخلت امتحان الحياة
السكاكر صارت عساكر
واقفين على باب
قهوتي المرة.. برة
و ساعة أنتيكة
و كنبة منقوشة جافة
من المشاعر
حبيت أهرب
انحبست..
جوة صوت مهاجر
مهموم.. يشكي للبحر
همه .. نسي النكت و النوادر
عاش طول حياته
مفارق .. مسافر
بيبعث مراسيل
صنع من دمعه حبر
كتب في العذاب
في جرح المشاعر
دواوين
أصل كنت فاكرة إن المشاعر
هي .. هي
لكن زي ما قال الشاعر
ما عادش ينفع
شمس الحياة تطلع
و أنا اللي كنت فاكرة
إن المشاعر
يا عيني
هي .. هي..
----
فاطمة حشاد
تعليقات
إرسال تعليق
اترك تعليقا يدل على انطباعك ورأيك بالموضوع